ராசிபுரம்
ராசிபுரம் அருகே 80 அடி தேசியக் கொடியுடன் 4 கி.மீ. ஊர்வலம்: 200-க்கும் மேற்பட்டோர் பங்கேற்பு.
நாட்டின் 80-வது சுதந்திர தினத்தை முன்னிட்டு, ராசிபுரம் அருகே ஆண்டகளூர்கேட் திருவள்ளுவர் கலைக் கல்லூரி என்.சி.சி. மாணவர்கள் சார்பில் தேசியக் கொடி ஊர்வலம் நடைபெற்றது. கல்லூரி வளாகத்தில் இருந்து தொடங்கிய ஊர்வலத்தில், 80 அடி நீளமுள்ள தேசியக் கொடியை மாணவ-மாணவிகள் கையில் ஏந்தியபடி ஈரோடு சாலையில் சுமார் 4 கிலோமீட்டர் தூரம் சென்றனர். தொடர்ந்து மீண்டும் கல்லூரி வளாகத்தை வந்தடைந்தனர். ஊர்வலத்தில் என்.சி.சி. மாணவ-மாணவிகள், ஆசிரியர்கள் உள்ளிட்ட 200-க்கும் மேற்பட்டோர் கலந்து கொண்டு நாட்டுப்பற்றை வெளிப்படுத்தினர்.
