பிரசித்திபெற்ற காளிப்பட்டி கந்தசாமி கோவிலில், தேய்பிறை கிருத்திகையை முன்னிட்டு இன்று சிறப்பு வழிபாடு நடைபெற்றது.
இதையொட்டி, மூலவர் கந்தசாமிக்கு காலை 6 மணி முதல் மாலை வரை பால், தயிர், சந்தனம், திருமஞ்சனம், கரும்புச்சாறு, விபூதி உள்ளிட்ட பல்வேறு திரவியங்களைக் கொண்டு சிறப்பு அபிஷேக ஆராதனைகள் நடைபெற்றன.
கோவில் முழுவதும் பல்வேறு வண்ண மலர்கள் மற்றும் கனிகளால் அலங்கரிக்கப்பட்டிருந்தது. லட்சுமணசுவாமி சமாதி, வழிவிடு கணபதி, வேலாயுதசுவாமி, இடும்பன், இரட்டை விநாயகர், நவகிரகங்கள் உள்ளிட்ட பரிவார தெய்வங்களுக்கும் சிறப்பு அபிஷேகங்கள் நடைபெற்றன.
கோவில் உட்புற வளாகத்தில் உற்சவமூர்த்தி முருகப்பெருமான் வள்ளி, தெய்வானையுடன் சிறப்பு அலங்காரத்தில் பக்தர்களுக்கு காட்சியளித்தார்.
பல்வேறு ஊர்களில் இருந்து வந்திருந்த பக்தர்கள் நீண்ட வரிசையில் காத்திருந்து சுவாமி தரிசனம் செய்தனர். பக்தர்களுக்கு பிரசாதம் வழங்கப்பட்டது.